Құрметті тұтынушылар!
«Шығыс Жылу» АҚ хабарлайды:
ҚР ҰЭМ Табиғи монополияларды реттеу Комитетінің ШҚО бойынша Департаментінің 24.01.2025 жылғы № 16-НҚ бұйрығы негізінде 2025 жылғы 1 ақпаннан бастап 2026 жылғы 31 қаңтарға дейін стратегиялық тауарлар – көмір және сатып алынатын жылу энергиясы бағасының өсуіне байланысты жылу энергиясын өндіру, беру, бөлу және жабдықтау жөніндегі қызметтерге жылу энергиясын есепке алу аспаптарының (бұдан әрі - ЖЭЕА) бар болуына немесе болмауына байланысты мынадай тарифтер бекітілді:
- Халыққа - 4 724,75 теңге/Гкал, оның ішінде ЖЭЕА бар болса - 3 992,19 теңге/Гкал, ЖЭЕА болмағанда - 5 669,7 теңге/Гкал;
- Бюджеттік ұйымдарға - 25 729,01 теңге/Гкал, оның ішінде ЖЭЕА бар болса - 24 475,66 теңге / Гкал, ЖЭЕА болмағанда – 38 593,52 теңге/Гкал;
- Басқа тұтынушыларға - 13 366,62 теңге/Гкал, оның ішінде ЖЭЕА бар болса - 12 892,56 теңге/Гкал, ЖЭЕА болмағанда – 17 376,61 теңге/Гкал.
Жалпы алаңның мөлшерін ескере отырып, жылу беруге жұмсалатын жылу энергиясын тұтынудың әлеуметтік лимиттерін белгілеу аясында тұтынушылар – яғни, «Халық» санатына жататын жеке тұлғалар үш кіші топқа бөлінеді:
Қосымша:
ТМРКД 24.01.2025 жылғы №16- НҚ бұйрығы (№3 қосымша)
«Шығыс Жылу» АҚ тұтынушылары үшін тұтыну нормалары
2024 жылғы 30 мамырда Шығыс Қазақстан облысы әкімдігінің №133 қаулысымен есепке алу аспаптары жоқ тұтынушылар үшін жылыту және ыстық сумен жабдықтау бойынша коммуналдық қызметтерді тұтыну нормалары бекітілді.
Жылытуға жылу энергиясын тұтыну нормасы – бұл есепке алу аспаптары орнатылмаған үйлердегі 1 м² ауданға қажетті жылу энергиясының айлық орташа мөлшері.
Кесте 1
| Есептік жылыту кезеңінің айы | Жылытуға 1 м2 үшін тұтыну нормасы (1/12), Гкал | Жылытуға 1 м2 үшін тұтыну нормасы (1/7), Гкал | Сыртқы ауаның нормативтік температурасына байланысты айлар бойынша бөлінген жылытуға 1 м² үшін тұтыну нормасы, Гкал |
| 1 | 2 | 3 | 4 |
| Шілде | 0,018879 | ||
| Тамыз | 0,018879 | ||
| Қыркүйек | 0,018879 | ||
| Қазан | 0,018879 | 0,032364 | 0,017892 |
| Қараша | 0,018879 | 0,032364 | 0,030920 |
| Желтоқсан | 0,018879 | 0,032364 | 0,041408 |
| Қаңтар | 0,018879 | 0,032364 | 0,045753 |
| Ақпан | 0,018879 | 0,032364 | 0,039940 |
| Наурыз | 0,018879 | 0,032364 | 0,035273 |
| Сәуір | 0,018879 | 0,032364 | 0,015361 |
| Мамыр | 0,018879 | ||
| Маусым | 0,018879 | ||
| Барлығы: | 0,226547 | 0,226547 |
0,226547 |
-
0,018879 Гкал/м² – бұл жылу энергиясын тұтынудың 1 м² үшін нормасы, жыл бойы (шілдеден маусымға дейін) тең үлестермен 12 айға бөлінеді (1/12). Осы норманы қолданған жағдайда, жылыту үшін төлем жыл бойы ай сайын бірдей мөлшерде жүргізіледі. Бұл әдіс тұрғындардың жыл бойы жалақы мен зейнетақыны тең үлестермен алатынын ескере отырып, ыңғайлы болу үшін енгізілген.
-
0,032364 Гкал/м² – бұл жылу энергиясын тұтынудың 1 м² үшін нормасы, қазаннан сәуірге дейін 7 айлық жылыту маусымына тең үлестермен бөлінеді (1/7). Осы норманы қолданған жағдайда, жылыту үшін төлем тек жылыту маусымындағы айларда ғана жүргізіледі, әр айда бірдей сома есептеледі.
-
Ай сайынғы норма – бұл 1 м² үшін жылу энергиясын тұтыну нормасы, қазаннан сәуірге дейін 7 айға, сыртқы ауаның нормативтік температурасына сәйкес әртүрлі мөлшерде бөлінеді. Осы норманы қолданған жағдайда, төлем жылыту маусымындағы айларда ғана жүргізіледі, әр ай үшін есептелген сома әртүрлі болады, себебі төлем мөлшері айдың орташа сыртқы температурасына байланысты. Мысалы, желтоқсан, қаңтар, ақпан айларында температура төмен (суық), сондықтан төлем көбірек болады. Ал қазан, қараша, наурыз, сәуір айларында температура жоғары (жылырақ), сондықтан төлем аз болады.
Егер есепке алу аспабы уақытша істен шықса, сол айдағы норматив қолданылады, яғни сол айға белгіленген тұтыну нормасы бойынша төлем жүргізіледі.
Ыстық сумен жабдықтауға арналған жылу энергиясын тұтыну нормасы – бұл суық суды қажетті температураға дейін қыздыруға жұмсалатын жылу энергиясының орташа мөлшері, бір адамға тәулігіне 105 литр тұтыну нормасы ескеріледі.
0,184 Гкал/ай/адам – бұл ыстық сумен жабдықтау үшін бір адамға айына бекітілген орташа тұтыну нормасы. Ыстық су үшін төлем қызмет көрсетілген көлемге сәйкес жүргізіледі. Ыстық сумен жабдықтау маусымдық емес қызмет, тәулік бойы, жыл бойы көрсетіледі.