Ыстық судың жеке есептеу аспаптары (суесептегіштері)

Орнату

Құрметті тұтынушы!
Қазақстан Республикасының 1998 жылғы 9 шілдедегі №272-1 «Табиғи монополиялар және реттелетін нарықтар туралы» Заңына сәйкес реттелетін коммуналдық қызметтер көрсететін табиғи монополия субъектілері тұтынушыларға есептеу құрылғыларын сатып алып, орнатуға міндетті. Ал тұтынушылар реттелетін коммуналдық қызметтерге арналған есептеу құрылғыларына ие болып, оларды сатып алу және орнату шығындарын толық әрі уақытылы өтеуге тиіс (тауарлар, жұмыстар) жасалған шарттардың талаптарына сәйкес.
Алдымен, орнату тәсілін таңдауыңыз қажет. Біз сізге бірнеше нұсқа ұсынамыз:

1-ші тәсіл. Есептеу құрылғысын «Шығыс Жылу» АҚ арқылы бөліп төлеу жолымен орнату.

НАЗАР АУДАРЫҢЫЗ! Шартты тек пәтердің иесі немесе тең иесі ғана жасай алады.

1. Сізге пәтерішілік жүйені тексеру үшін өтінім беру қажет. Өтінімді 701-722 (ішкі 5391) телефоны арқылы немесе М. Горький көшесі, 61, 114-каб. мекенжайында қалдыруға болады. Тексеру тегін жүргізіледі. Қосымша шығындар тек құбырлар мен вентильдердің қанағаттанарлықсыз күйде болуы немесе есептеу құрылғысын орнатуға қажетті орынның болмауы жағдайында туындауы мүмкін (шарт жасасу алдында барлық ескертулерді жою қажет). Тексеру нәтижесінде сізге Акт беріледі.
2. Шарт жасасу үшін М. Горький көшесі, 61, 114-каб. мекенжайына келуіңіз қажет. Өзіңізбен бірге жеке куәлік, пәтерге меншік құқығын растайтын құжаттар және тексеру акті құжаттардың түпнұсқалары болуы тиіс: Егер пәтерге меншік құқығын растайтын құжаттар банкте кепілде тұрса, онда сізге келесі құжаттар қажет: ипотекалық несие шарты, пәтерге меншік құқығын растайтын құжаттардың көшірмелері (жекешелендіру, сатып алу-сату, айырбас, сыйға тарту шарты және т.б., пәтердің техникалық паспорты (жоспары), банктен құжаттардың түпнұсқаларының банкте екенін растайтын анықтама немесе ЦОН-нан №2 нысанындағы анықтама (1 күнге жарамды).
3. Есептеу құрылғысын орнату күнін мамандармен алдын ала келіскен жөн.Құрылғы орнатылғаннан кейін бір ай ішінде оны пайдалануға қабылдау туралы актінің көшірмесін «Өскемен-Водоканал» мемлекеттік коммуналдық кәсіпорнына тапсыру қажет.

Есептеу құрылғысын бөліп төлеу арқылы орнату құны (ҚҚС-ты қоса алғанда):
1 есептеу құралы, 1 сүзгі, 1 вентиль – 16 410 теңге
Төлемді бірден немесе 6 айға немесе 12 айға бөліп төлеуге болады.

2-ші тәсіл. Есептеу құрылғысын монтаждау ұйымы арқылы орнату және оны пайдалануға енгізу

1. Сіз есептеу құрылғысын орнату күнін келісу және оның құнын нақтылау үшін келесі ұйымдардың кез келгеніне жүгінуіңіз қажет.
   
   

   Мөр басуды жүзеге асыратын монтаждау ұйымдарының атаулары	Телефон
   «НПО Движение» ЖШС	25-22-22 8 706 422 52 25
   «Кузнецов и К» ЖШС	60-24-76 60-24-77
   «Предприятие ВТИ» ЖШС	26-58-70
   «Добрыня Сервис» ЖШС	61-52-15
   «Востокэнергосервис» ЖШС	77-25-11 52-09-90
   «East Rich плюс» ЖШС	51-61-25 8-705-505-73-32
   МТК Сервисная служба (ИП Герасимов И. С.)	54-11-11
   «ПМК Добрыня» ЖШС	700-111 8-707-620-1212 8-776-620-1212
   «Доступный сервис» ЖШС	8-705-359-20-21
   «ПромМетроСервис» ЖШС	23-11-18 23-10-14  8 705 417 57 03

   
   
   
2. Орнату аяқталғаннан кейін аталған ұйымның өкілі есептеу құрылғысын пломбалап, сізге паспорт пен пайдалануға енгізу актісін береді. Актінің екінші данасы «Шығыс Жылу» АҚ және «Өскемен-Водоканал» МКК-ға тапсырылады. Есептеу құрылғысы бойынша төлемдер оны пайдалануға қабылдаған күннен бастап есептеледі.

3-ші тәсіл. Есептеу құрылғысын өздігінен немесе монтаждау ұйымы арқылы орнату және«Шығыс Жылу» АҚ өкілінің пломбалауы.

1. Сіз есептеу құрылғысын өздігінен орната аласыз немесе кез келген монтаждау ұйымының қызметін пайдалана аласыз.
2. Орнату аяқталғаннан кейін сізге 560-566 телефоны бойынша «Шығыс Жылу» АҚ бақылаушысын шақыру қажет. Бақылаушының келу сәтінде пәтерде 18 жастан асқан отбасы мүшесі болуы тиіс. Бұл қызмет тегін көрсетіледі.
   Бақылаушы есептеу құрылғысын пайдалануға қабылдау алдында тексереді:
   • Батареяларда қосымша крандардың болмауын;
   • Орнатылған құрылғының төлқұжатының бар-жоғын;
   • Зауыттық пломбаның сақталғанын;
   • Ыстық судың бар-жоғын (құрылғының жұмысын тексеру үшін), сондай-ақ асүй мен жуынатын бөлмедегі құбырлардың монтажының аяқталғанын;
   • Дұрыс орнатылғанын және техникалық талаптардың орындалуын: сүзгінің болуы, қосылыстардың герметикалығы, құрылғының жарамдылығы, механикалық зақымданудың және конденсаттың жоқтығы.

   Егер көрсетілген талаптар орындалмаса, құрылғы пайдалануға қабылданбайды. Бұл жағдайда барлық кемшіліктерді түзету қажет болады. Бақылаушы кемшіліктер тізімі көрсетілген қабылдамау актісін жасайды.
   Барлық талаптар сақталған жағдайда:

   • Құрылғы пайдалануға қабылданған болып есептеледі;
   • Екі дана етіп пайдалануға енгізу акты жасалады (бір данасы – иесіне, екіншісі – «Шығыс Жылу» АҚ-ға тапсырылады);
   • Төлемдер құрылғыны пайдалануға қабылдаған күннен бастап есептеледі.
     
     
3. Пайдалануға қабылдағаннан кейін бір ай ішінде құрылғыны қабылдау актісінің көшірмесін «Өскемен-Водоканал» МКК-ға тапсыру қажет.